Pilipinas, Tara Na! v.3

Pilipinas, Tara Na! v.3

Words by: Rene NievaComposed by: Mike Villegas and Rico BlancoArranged by: Angelo Villegas

Ikaw ba'y nalulungkot
Naiinip, nababagot
Ikaw ba'y napapagod
Araw gabi’y puro kayod?

Buhay mo ba'y walang saysay
Walang sigla, walang kulay?
Bawa't araw ba'y pareho
Parang walang pagbabago? 

Tara na, biyahe tayo
Kasama ang pamilya
Barkada at buong grupo
Para mag-enjoy ng todo.

Halika, biyahe tayo
Nang ating makita
Ang ganda ng Pilipinas
Ang galing ng Pilipino.

Nakita mo na ba
Ang mga windmills ng Bangui
Lumang simbahan ng Paoay
At mga mansyon sa Silay?

Namasdan mo na ba
Ang mga vinta ng Zamboanga
Bulkang Taal, Bulkang Mayon
Beach ng Boracay at La Union?

Tara na, biyahe tayo
Nang ating malaman
Ang kahalagahan
Ng pagbibigayan. 

Halika, biyahe tayo
Nang ating makita
Ang ganda ng Pilipinas
Ang galing ng Pilipino. 

RAP:
Mula puno’t dulo
Ng archipelago
Ang sasalubong sa ‘yo
Mga ngiti ng bawat tao
Pagtanggap sa bisita at pagpapasaya
Sa Pinoy ay wala nang tatalo pa! 

Naranasan mo na ba
Ang mag-wakeboarding sa Camsur
Ang mag-boating sa Loboc at sa
Underground River ng Puerto Princesa? 

Natikman mo na ba
Ang Sisig ng Pampanga
Duriang Davao, Bangus Dagupan
Bicol Express at Lechong Balayan? 

Tara na, biyahe tayo
Ang Maykapal ay pasalamatan
Sa lahat ng biyayang
Natanggap ng ating bayan.

Halika, biyahe tayo
Nang ating Makita
Ang ganda ng Pilipinas
Ang galing ng Pilipino. 

Nalibot mo na ba
Ang puno’t dulo ng Luzon
Aparri thru Calabarzon
All the way to Sorsogon? 

Naki-parada ka na ba
Sa Higantes sa Angono
Bulaklak sa Panagbengga
At Parol sa San Fernando? 

Tara na, biyahe tayo
Lumingon sa pinanggalingan
Nang tayo’y makarating
Sa ating paroroonan. 

Halika, biyahe tayo
Nang ating makita
Ang ganda ng Pilipinas
Ang galing ng Pilipino. 

Tara na, biyahe tayo

Upang ating matamo
Ligaya at pagkakaibigan
Kaunlaran, kapayapaan. 

Halika, biyahe tayo
Nang ating makita
Ang ganda ng Pilipinas
Ang galing ng Pilipino.

Posted in: biyahe tayo, Piliin mo ang Pilipinas, travel